एल्बम मा तको दिखाई दे चुके हे ये जोड़ी

Cinema 36.सीजी इंडस्ट्री के सिंगर कंचन जोशी के कुछु दिन पाछु सगाई होए हे। कई झन ल मालूम नई हे के जेकर संग ओकर सगाई होए हे ओ हा ओकर संग एल्बम मा घलो दिखाई दे चुके हैं। हौ। ये बिल्कुर सिरतोन गोठ आए। 26 जनवरी 2023 के एक गाना आए रिहीस कंचन एक मया के कहानी। येमा कंचन हा गाना तो गाएच हे, वीडियो म भी हावय। वीडियो म ओकर मंगेतर उपमन्यु ठाकुर जोड़ी बने हे।

कॉलेज में होए रिहीस दोस्ती

उपमन्यु ह हमन ल बताए रिहीस के कंचन संग मोर दोस्ती कॉलेज के बखत होए रिहीस। फेर मैं कभी सोचे तक नहीं रहें कि हम दुन्नो रियल और रील (एल्बम) दोनों में जोड़दार बनबो। जोड़ी बनइया तो ईश्वर हे। ओकर मर्जी से ही सबकुछ होथे।

पहला वैलेंटाइन

सगाई होए के बाद कंचन अउ उपमन्यु के पहिली वैलेंटाइन रिहीस। ओमन कईसे मनाइस ये तो पता नई चले हे लेकिन ओकर मन बर ये दारी के वैलेंटाइन बड़ खास रिहीस हावय।